22-mart – buyuk olim Mirzo Ulug‘bek tug‘ilgan kuni

Mirzo Ulug‘bek (1394–1449) — buyuk alloma, astronom, matematik, tarixchi va davlat arbobi. U buyuk sarkarda Amir Temurning nabirasi, Shohrux Mirzoning o‘g‘li edi. 1394-yil 22-mart kuni Sultoniya shahrida tug‘ilgan. Yoshligidan bilimga chanqoq bo‘lib, ilm-fan yo‘lida katta muvaffaqiyatlarga erishgan.

Ulug‘bek dunyoga asosan astronom sifatida tanilgan. 1428-yilda Samarqandda ulkan rasadxona qurdirgan. U yerda yulduzlar harakati o‘rganilib, «Ziji Jadidi Kuragoniy» asari yozilgan. Bu asar asrlar davomida jahon olimlari uchun muhim qo‘llanma bo‘lib xizmat qilgan.

1409-yildan boshlab Movarounnahr hokimi bo‘lgan. Samarqand, Buxoro, Shahrisabz kabi yirik shaharlarga boshchilik qilgan. Ilm-fan va madaniyat rivojiga katta ahamiyat bergan. Biroq siyosiy kurashlar natijasida 1449-yilda o‘g‘li Abdulatif tomonidan qatl ettirilgan.