Rahbar bilan uchrashuv

Rahbar bilan uchrashuv

Bugun, 28-noyabr kunu, Toshkent viloyati Oliy taʼlim, fan va innovatsiyalar boshqarmasi boshlig‘i N.Kulbekova Bekobod shahar kasb-hunar maktabi jamoasi bilan uchrashuv o‘tkazdi.

Samimiy muloqot tarzida o‘tgan uchrashuvda boshqarma boshlig‘i o‘qituvchilarning muammolari, taklif va tashabbuslari haqida batafsil suhbatlashdi. Kasbiy ta’lim sifatini oshirish, pedagoglarning malakasini rivojlantirish hamda zamonaviy innovatsion yondashuvlarni joriy etish masalalariga alohida e’tibor qaratildi.

Mazkur tadbirda Bekobod shahar hokimi N.Babayev ham ishtirok etib, taʼlim muassasasining hududiy rivojlanishdagi o‘rni, malakali kadrlar tayyorlashdagi ahamiyati hamda mahalliy hokimiyat tomonidan taʼlim tizimini qo‘llab-quvvatlash bo‘yicha amalga oshirilayotgan chora-tadbirlar haqida so‘z yuritdi.

Uchrashuv davomida taʼlim muassasasida besh yil mobaynida faoliyat yuritib kelgan direktor U.Mirzakalanovni boshqa ishga o‘tganligi munosabati bilan kuzatish marosimi ham bo‘lib o‘tdi. Marosimda uning maktab rivoji yo‘lida qo‘shgan hissasi eʼtirof etilib, unga minnatdorlik bildirildi va kelgusi faoliyatida muvaffaqiyatlar tilandi.