Ta`limda xalqaro hamkorlik

Oliy ta’lim, fan va innovatsiyalar vazirligi hamda Xitoy Xalq Respublikasining “Jingkeming Education Technology (Chongqing)” kompaniyasi o‘rtasida imzolangan anglashuv memorandumiga asosan, “Xitoy va O‘zbekistonning professional ta’lim sohasidagi hamkorlik bo‘yicha 2030-yilgacha mo‘ljallangan loyihasi” doirasida o‘quv dasturlari tashkil etilmoqda.

Xitoyning Chongqing shahridagi “Chongqing Three Gorges” tibbiyot kollejida bir oylik o‘quv dasturi o‘tkazilmoqda. Ushbu dastur Xitoy va O‘zbekiston o‘rtasida an’anaviy tibbiyot almashinuvini rivojlantirish hamda O‘zbekiston tibbiyot xodimlarining boshqaruv ko‘nikmalarini oshirishga qaratilgan.

Mazkur dasturni amalga oshirish uchun “Jingkeming Education Technology (Chongqing)” kompaniyasi va “Chongqing Three Gorges” tibbiyot kolleji taklifnomasi asosida pedagog-kadrlar orasidan saralangan mutaxassislar ishtirok etmoqda. Shu jumladan, Toshkent viloyati Olmaliq shahridagi Abu Ali ibn Sino nomidagi Jamoat salomatligi texnikumi direktori Sayimov Mahmud Tolibovich ayni damda Xitoyda xizmat safarida bo‘lib, o‘quv dasturida faol qatnashmoqda.