“Yangi O`zbekiston armiyasi – mamlakat tayanchi, xalqimiz faxri!” shiori ostida bayram tadbiri o‘tkazildi

2025 yil 10-yanvar kuni Vatan himoyachilari kuni munosabati bilan Yuqori Chirchiq tuman politexnikumida “Yangi O`zbekiston armiyasi – mamlakat tayanchi, xalqimiz faxri!” shiori ostida bayram tadbiri o‘tkazildi.

Tadbirda, Toshkent Harbiy okrugi, boshqarma boshlig‘i Akmal Zoirov, Respublika Ma’naviyat va ma’rifat markazi Yuqori Chirchik tuman bo‘linmasi raxbari Sh.Shoyimova, tuman Mudofaa ishlari bo‘lim boshlig‘i R.Isamatovlar ishtirok etdilar.

Okrug qo‘shinlari harbiy xizmatchilarining ko‘rgazmali chiqishlari, orkestr jamoasining musiqiy ijrosi, kinologiya xizmati xodimlarining mashg‘ulotlari shuningdek, politexnikum o‘quvchilari tomonidan tashkil etilgan sahna ko‘rinishlari va konsert dasturlari ishtirokchilarga bayram kayfiyatini ulashdi.

Bayram munosabati bilan 5  tashabbus doirisida faol ishtirok etgan bir qator o‘quvchilarga 14-yanvar Vatan ximoyachilari kuni munosabati bilan Toshkent harbiy okrugi qo‘shinlari qo‘mondonining Faxriy yorliqlari va esdalik sovg‘alari topshirildi.