«Raqamli va aralash o‘qitish usullari bilan ta’limni o‘zgartirish» seminar-trening davom etmoqda

2025 yilning 20-24-yanvar kunlari  Toshkent dizayner va texnologlarni tayyorlash texnikumida GIZning «O’zbekiston kasb-hunar  ta’lim tizimida  islohot va modernizatsiya  jarayonini qo’llab — quvvatlash (TexVET) » loyihasi doirasida  O‘zbekistonning  to‘qimachilik sohasi  uchun kasbiy ta’lim  tashkiloti  rahbarlari va o‘qituvchilari o‘z  ta’lim muassasalariga raqamli  va aralash o‘qitish usullarini joriy etishga qaratilgan 5- kunlik seminar-treningi bo‘lib o‘tmoqda.

Seminar-trening halqaro ekspertlar Hörfurter Andreas va  Bahram Atabeyli tomonidan olib borilib, unda raqamli va aralash ta’lim, onlayn vositalar, raqamli ta’limning pedagogik nazariyalari va konsepsiyalar, raqamlashtirishning moliyaviy jihatlari, raqamlashtirishda hamkorlik va tarmoqlarni yaratish, raqamli o‘qitishda multimedia materiallar, raqamli transformatsiyada boshqaruvni o‘zgartirish, mobil o‘qitish va «teskari sinf» tizimi kabi mavzular qamrab olingan.

Mazkur seminarda Qibray tuman politexnikumi òqituvchilari D.Tulyaganova va A.Abdurasulovalar ishtirok etmoqda.

Seminar-trening yakunida kasbiy ta’lim tashkilotlarida  ishtirokchilar tomonidan ishlab chiqilgan raqamlashtirish strategiyalarining taqdimotlari amalga oshirilishi rejalashtirilgan.