Do‘stlik va hamjihatlik ulug‘langan yurt

Do‘stlik va hamjihatlik ulug‘langan yurt

29-mart kuni Bekobod shahar “Alisher Navoiy” mahalla fuqarolar yig‘inida  “Do‘stlik va hamjihatlik ulug‘langan yurt”  shiori ostida ma’naviy-ma’rifiy va madaniy tadbir tashkil etildi. Ushbu bayram aholiga ma’naviy hordiq ulashish barobarida, jamiyatda do‘stlik, totuvlik va hamjihatlik g‘oyalarini mustahkamlashga xizmat qildi.

Tadbir davomida turli millat vakillari o‘ziga xos an’analar aks etgan kuy-qo‘shiqlar, raqslar va xalq o‘yinlari orqali bayramona ruh bag‘ishladi. Madaniy dasturlar orqali ishtirokchilar bir-biriga hurmat va ahillik muhitida quvonch ulashib, jipslik va hamkorlik tamoyillarini tarannum etdilar.

Bayram ishtirokchilarga iliq taassurot baxsh etib, do‘stlik va birdamlik muhitini yanada mustahkamladi. Ushbu tadbir jamiyatdagi o‘zaro hurmat, mehr-oqibat va hamjihatlikning yorqin ifodasiga aylandi.