Favqulodda vaziyatlar bo‘yicha amaliy seminar o‘tkazildi

Parkent tuman politexnikumida Parkent tuman Favqulodda vaziyatlar bo‘limi hamkorligida amaliy seminar tashkil etildi. Tadbirning asosiy maqsadi – o‘quvchilarga tabiiy va texnogen favqulodda vaziyatlarda qanday harakat qilish kerakligini o‘rgatish hamda zaruriy ko‘nikmalarni shakllantirishdir.

Seminar davomida Favqulodda vaziyatlar bo‘limi mas’ul xodimlari maxsus taktik mashg‘ulotlar o‘tkazdi. Ushbu mashg‘ulotlar o‘quvchilar, politexnikum xodimlari va boshqa ishtirokchilarga nazariy bilim bilan birga amaliy ko‘nikmalarni ham oshirish imkonini berdi.

Tadbir doirasida ishtirokchilarga suv toshqinlari, zilzila, qor ko‘chishi kabi tabiiy ofatlar yuz berganda qanday harakat qilish lozimligi bo‘yicha batafsil tushuntirishlar berildi. Xavfsizlik choralarini ko‘rish, vaziyatni to‘g‘ri baholash va tezkor qaror qabul qilish muhimligi alohida ta’kidlandi.