«Kelajak kasblari» mavzusida festival tashkil etildi

2025-yil  2-aprel kuni Piskent 1-son politexnikumida «Kelajak kasblari» nomli kasblar festivali tashkil etildi.

Unda «Axborot vositalari mashinalari va kompyuter tarmoqlari operatori», «Elektrogazpayvandchi» hamda «Tikuvchi» yo’nalishi o’quvchilari o’quv yili davomida olgan bilimlari bilan bir qatorda guruhlardagi istedodli o’quvchi yoshlar san’at sohasidagi mahoratlarini yana bir bor ko’rsatib berdilar.

Tadbir davomida ushbu guruhlar ishtirokida «Zakovat» intellektual o’yini tashkil etilib, g’olib bo’lgan jamoalar politexnikum rahbari tomonidan diplom va estalik sovg’alar bilan taqdirlandilar.

Piskent 1-son politexnikumida «Kasblar festivali» davom etadi. Navbat «Avtomobil dvigatellarini tashxislash va ta’mirlash» yo’nalishi o’quvchilariga.