Mening agrostartap loyiham

Toshkent davlat agrar universitetida «Mening agrostartap loyiham” tanlovining ikkinchi kuni o‘tdi. Ushbu tanlov Toshkent davlat agrar  universiteti tomonidan tashkil etilgan bo‘lib, universitetning professor oʻqituvchilari hamda iqtidorli yoshlarning g‘oya va loyihalarini qo‘llab-quvvatlash maqsadida  o‘tkazilmoqda.

Tanlov jarayoniga Toshkent viloyati Oliy ta’lim, fan va innovatsiyalar boshqarmasi Innovatsion rivojlanish sho‘basi mudiri Sh.Kamalova, viloyat IT-park direktori S.Pirnazarov va viloyat Yoshlar texnoparki direktori O.Tuychiyev hakamlik qildi.

Tanlovga ishtiroq etish uchun talaba yoshlar tomonidan 100 dan oshiq ariza taqdim etilgan.

Tanlovning baholash mezonlari asosida saralab olingan g‘olib ishtirokchilar viloyat Oliy ta’lim, fan va innavatsiyalar boshqarmasi hamda universitet ma’muriyatining “Eng yaxshi g‘oya”, “Eng yaxshi loyiha” va “Eng yaxshi ixtiro” nominatsiyalari bo‘yicha maxsus diplom bilan hamda moddiy rag‘batlantiriladi.