Ramazon hayit ayyomi barchamizga muborak bo‘lsin!

Assalomu alaykum, aziz oliy va  kasbiy ta’lim fidoyilari, qadrli yurtdoshlar!

Sizlarni va oila a`zolaringizni muborak Ramazon hayiti bilan chin qalbdan samimiy muborakbod etamiz. Ushbu tabarruk ayyom qalblarga mehr-muhabbat, xonadonlarga fayz-baraka, hayotimizga tinchlik va farovonlik olib kelsin.

Ilm-ma’rifat yo‘lida amalga oshirayotgan ezgu sa’y-harakatlaringiz bardavom bo‘lishini, mehnatingiz yurtimiz taraqqiyotiga munosib hissa qo‘shib, yuksak e’tirof etilishini tilaymiz. Ta’lim taraqqiyoti – yurt kelajagining mustahkam poydevori. Siz kabi fidoyi ustoz va murabbiylarning fidokorona mehnati tufayli yoshlar zamonaviy bilim va kasb-hunar egallab, o‘z yo‘nalishiga mehr qo‘ymoqda hamda jamiyatimiz taraqqiyotiga munosib hissa qo‘shmoqda.

Sizning izchil sa’y-harakatlaringiz sabab bilim maskanlarimiz rivojlanib, kelajak avlodga mustahkam asos yaratilmoqda. Mana shunday duolar ijobat bo‘ladigan kunda barchangizga mustahkam salomatlik, ijodiy ilhom va samarali faoliyat tilaymiz. Ilm-ma’rifat yo‘lida fidokorona xizmat qilayotgan barchangizga kuch-g‘ayrat, omad va zafarlar yor bo‘lsin!

Yurtimiz tinch, osmonimiz musaffo bo‘lsin! Ilm-ma’rifat yo‘lidagi xizmatlaringiz bardavom bo‘lib, mehnatingiz munosib e’tirof etilsin. Xonadonlaringiz fayzu baraka va osoyishtalik bilan to‘lsin!

Ramazon oyida qilgan barcha ezgu niyat va duolarimiz ijobat boʼlsin!

Аlloh taolo jonajon Vatanimiz va xalqimizni oʼz panohida asrasin!

Iyd-al-Fitr ayyomi barchamizga muborak boʼlsin!

Hurmat bilan,

Oliy ta’lim, fan va innovatsiyalar boshqarmasi boshlig‘i N.Kulbekova va jamoa a`zolari.