«Saxovatli oltin kuz» mavzusida ma’naviy-ma’rifiy tadbir boʻlib oʻtdi

«Saxovatli oltin kuz» mavzusida ma’naviy-ma’rifiy tadbir boʻlib oʻtdi

Bo‘stonliq tuman 1-son kasb-hunar maktabida o‘tkazilgan «Saxovatli oltin kuz» ma’naviy-ma’rifiy tadbiri davomida o‘quvchilar tomonidan sahna ko‘rinishlari, milliy raqslar va ko‘p millatli yurtimizning milliy urf-odatlari namoyish etildi. Shu bilan birga, kuz mavzusiga mos ravishda sabzavot va mevalardan karving san’ati asosida tayyorlangan ko‘rgazmalar ham taqdim etildi.

Mazkur ko‘rgazmalar o‘quvchilarning ijodkorligi va san’atga bo‘lgan qiziqishini yaqqol namoyon etdi. Har bir ishtirokchi o‘z ishida kuz faslining saxovatini, rang-barangligini va betakror go‘zalligini ifoda etishga harakat qildi. Karving san’ati bo‘yicha taqdim etilgan mazkur ijod namunalari tadbirga alohida joziba bag‘ishlab, mehmonlar va qatnashchilar tomonidan iliq kutib olindi.

Bu kabi tadbirlar nafaqat o‘quvchilarni ijodkorlik va san’atga oshno qiladi, balki ularda dehqonchilikka hurmat, mehnatga muhabbat va qadr-qimmatni anglash kabi fazilatlarni ham shakllantiradi.