«Ziyolilar bog‘i» barpo etildi

«Yashil makon» umummilliy dasturi doirasida yurtimizda yashil hududlar maydonini kengaytirish, ekologik muhitni yanada sog‘lomlashtirish maqsadida Nurafshon shahrining «Nurafshon Business City» hududida keng ko‘lamli ko‘chat ekish aksiyasi tashkil etildi.

Tadbirda Toshkent viloyati hokimi Zoyir Mirzayev, Oliy ta’lim, fan va innovatsiyalar boshqarmasi boshlig‘i N. Kulbekova, Xalq deputatlari viloyat Kengashi deputatlari, davlat va nodavlat tashkilotlar, mehnat jamoalari, nuroniylar, yoshlar shuningdek, ko‘plab ko‘ngillilar faol ishtirok etdi.

Mazkur aksiya doirasida viloyatdagi kasbiy ta’lim, davlat va nodavlat oliy ta’lim muassasalari tashabbusi bilan barpo etilayotgan «Ziyolilar bog‘i» ijobiy tajriba sifatida alohida e’tirof etildi. Ushbu bog‘ kelgusida yosh avlod uchun bilim, tafakkur va ezgulik ramziga aylanishi shubhasiz.

Tashkil etilgan aksiya davomida qariyb 6 ming tup manzarali va mevali daraxt ko‘chatlari yerga qadab, ekologik muhitga munosib hissa qo‘shildi. Bu kabi ezgu tashabbuslar xalqimiz farovonligi, atrof-muhitimiz musaffoligi va kelajak avlod uchun sog‘lom hayot tarzini ta’minlashga xizmat qiladi.